سلێمانی – لە 16ی کانونی یەکەمی 2024، ئۆفیسی مافەکانی مرۆڤی نێردەی نەتەوە یەکگرتووەکان بۆ هاریکاری عێراق (یونامی) ڕاهێنانێکی یەک ڕۆژەی بەناونیشانی “بەهێزکردنی بەشداریی ڕێکخراوە ناحکومییەکان لە میکانیزمەکانی مافەکانی مرۆڤی نەتەوە یەکگرتووەکان و داڕشتنی ڕاپۆرتی سێبەر” ئەنجام دا. تیایدا بە تایبەت جەختکرایەوە لەسەر بەشداریکردن و ڕاپۆرتکردن بۆ لیژنەی نەهێشتنی هەموو جۆرە جیاکارییەک دژی ژنان. (CEDAW) لە چالاکییەکەدا 22 کەس (17 ژن و 5 پیاو) بە نوێنەرایەتی ڕێکخراوە ناحکومییەکان لە پارێزگا جیاوازەکانی هەرێمی کوردستان ئامادەبوون. بەشداربووان لەسەر ڕۆڵ و خشتەی کاتیی ئامادەکردنی ڕاپۆرتی سێبەر ڕێککەوتن، کە بڕیارە تا 15ی شوباتی 2025 پێشکەشی لیژنەی نەهێشتنی هەموو جۆرە جیاکارییەک دژی ژنان بکرێت.
